「袁」碌碌之東亞運筆記(2)

｛因為想更快完成筆記，我會以口語來記錄的｝

十二月三日（小西灣—足球）

今日都係係小西灣個邊做service，係香港對南韓。自己繼續係做東閘，上半場主要係留係東閘做ticket ripping，下半場就係東面看台做service。未開始時，已經有超多人入場，可能係因為香港係主場關係，d人係多到做唔哂，仲要多好係即場買飛，人龍都唔短，結果竟然係賣哂！真係你唔到！

係上半場時都係同阿泉哥傾下學下野，又同大家hehehaha（當然係無人入場個時先傾啦，我地都好pro 架），都係上半場，已經有好多歡呼聲同倒釆聲，係外面聽都已經好正！勁想去睇呀！

因為聽唔係好清楚個廣播，成日以為係香港隊輸的2-1，點知原來係香港隊領先！真係又估你唔到！

下半場入左去看台做，都仲可以望少少場的情況，不過，講真的氣氛都已經得啦！南韓係有啦啦隊，不過香港個邊仲勁！個勢係點，明顯係高下立見啦！香港隊係下半場再入兩球，其中第四球入左之後仲有哂post俾大家睇，仲係阿包面前跪係到，我就問佢，你要唔要同佢結婚呀？佢的反應係，NO！

結果香港以4-1贏左，都叫做唔錯啦，俾左個新的印象。

十二月四日（西區公園—籃球）

一個晨早，真係….又唔多方便去到個到…先先有女子日本對中華台北，後有男子日本對關島。

我主要係ZONE A，一個近場位做。講真，開初都幾悶，一黎咁早無咩人，二黎又少義工，自己陪自己咁。叫到D球員真係唔差，男子D…日本人都好高呀，仲有一對係TWINS，估你唔到呀，而女子….真係覺得佢地會唔會搵唔到男朋友呢？佢地個樣，都唔多似一個正常的女仔。

女子個到，日本隊俾中華台北可以話係贏十幾廿分，已經救唔返LU~男子個邊仲勁，日本隊發威，10X-5X，關島唔只係輸一條街，係一半的旅程。咁都無辦法了，不過估唔到的係關島的隊員唔係咁高，呢個又係估唔到的。

係等LUNCH的時候，同一個義工EDITH傾下，又一起放LUNCH，佢本黎係京士柏場的，不過去西區幫幫手，大家都有唔少相似的經驗，好似係俾LCSD人…..都係算啦……不過，AT THE END都還可以的，不大差了。

5點幾就離開電台。

「袁」碌碌之東亞運筆記(1)

｛因為想更快完成筆記，我會以口語來記錄的｝

前言

早於係年頭知道可以係東亞運到做返個「小薯仔」，真係幾開心的！最少覺得自己都唔太差，仲可以做返d野。其實唔多唔少都想幫手搞好個活動，話哂機會難得，香港又唔係成日搞埋d咁的大型活動。

不過，係當局做野真係差到..... 令人失望啦！撞考試時間都算了，仲要係人手mark第二次服務時間全部無哂lor！都唔知可以點做野，一次過俾佢地玩起哂！個別的staff個態度又唔好，講到我俾左好多野做，我真係想話佢：「我想架？我都係受害個個，仲想我點？」d搞係開始service前一日先叫到firm到d做野時間同地點。唉~ 成間公司都唔知做咩出黎。

十二月二日（小西灣）

第一日做service，緊張一定有少少。係東閘的工作，唔叫做難的，不過大家都好enjoy去做，仲好多時仲有講有笑，同d security都可以傾好多野，識到人又開心wor~ （唔知幾時做左東閘contact person... oops!!）

日本對北韓，之前仲以為會得勁少人睇啦，點知有成4100人入場wor。上半場係東閘入口，下半場係場館到，一方面take care同睇下d觀眾，同一時間都可以睇下比賽，唔錯wor~

日本個邊好多fans~ 令到氣氛都好正，有d中學生就做左「反派」去支持北韓，都幾得意的！最後以2:1日本win左，仲吸引到好多小朋友去拎簽名，我自己就對佢地無咩印象。哈哈哈！

大家之後都又影相又傾計，六個鐘都好快過！

唉~ 晚上仲要趕paper，最後仲訓左兩個幾鐘，之後仲要做service架！

(to be continued...)

Oct 29: Loving the life with events (23-26/10)

Ro’ Nite

由前一天的Information Day的準備至到當天Ro’ Nite的活動時候，還有不少的環節也要跟進，作為小組負責人，可能也是理所當然的。不過，在整個過程都很開心，大家作為Refreshment & Publicity Team都做得好好，由開會、到找贊助、至做宣傳工作，大家都辛苦了！（不過不好再叫我請大家食飯了，太窮了，哈哈哈）不知何時可以再次合作呢？

HKU Information Day

星期五晚上至十二時半少回到家中，開始再準備「第六屆基本法大使」的營會，整理行裝，但星期六的Information Day的Opening Ceremony又要我們七時四十五分、八時正回到大學，實在是很累呢！那時也開始發覺自己的能力可能是超自己的想像呀！雖然遲了點點，都可以跟到大家的進度，HKU Cheers早已深深的進入了腦海，不知不覺完完全全真正的成為了香港大使學生大使！

一聲We are here Cheer

HKU! We are here!

Where are you? HKU!

Working hard and playing hard in Hong Kong, HKU!

You and I will never fall for we belong to HKU!

Once again! HKU!

Louder! HKU!

Opening Ceremony以嘉年華會形式進行，我們帶頭進入開心公園，有如奧運會的各國代表團一樣揮手進場，為大會打頭陣。哈哈哈，初初在綵排時還是覺得總是怪怪的，但在正式的時候，那感覺也可以呢！在Opening Ceremony中，我們一班學生大使就眾人面前表演那個練習數小時的「HKU We Are Here Cheer」，表現一番作為香港大學學生的精神。我深信（不是深信，而是事實）大家已經把HKU Cheer入了腦袋了。在校長打手印時，更有紙炮向天上發放，令到在「超多」的花紙從天上降下，有點兒誇張，但是氣氛就蠻好的。

在大多數的時間都在校巴和校巴站工作，多數的學生都是比較靜，多數時間與個別同學、家長，還有司機聊天，談談香港大學、當天交通問題等等。一轉來回本部和沙宣道就要二十至三十分鐘（連等同學開車等時間），時間也是蠻好過的，整天自己都坐了8轉來回，包括最後一班由本部去沙宣道的校巴。對於第一次以學生大使的工作，自己都覺得不錯，美中不足的是我們沒有拍照呀！只有在Opening Ceremony前的數張和校方拍下的相片。

6^th Youth Ambassador of the Basic Law Training Camp

Information Day完結後的晚上立即入營（第六屆基本法大使訓練營），作為第五組組爸，遲了入營已經不是太好，不過這組只有數個成員參與，連我的另一位組爸Felix都因為要準備考試而未能來到，結識了他的朋友Edmund，一個很容易溝通的人，更學會更多關於中大的文化呢！在營中又認識了其他的朋友和成員，經歷了不少有趣的東西，例如「Chinese name of TVB = CCTV」、「The name of shampoo—動L = 飄柔」、「Full name of 波兒 =波~~兒~~」，還有大家一起玩Killer、營火會等等，雖然真的很累，特別是Info. Day那個晚上還是練跳舞，不過大家都玩得很開心，又學會不同的東西，這才是真正的意義呢！

星期一出營還去了唱卡啦OK，現在中學生的精力真是旺盛，可以兩晚玩通頂，之後去唱K，還繼續精力充沛的與你對話，可能真的老了，哈哈哈！由星期五至星期一的四天，充實但疲憊。

PS: 我們的「營火會」有很多挺「暴力」的歌，例如是《大金冷氣》

samui nai        atsui nai        kimochi ii          taikin

殺左你阿姨   白撞你阿姨   Kim哥擳姨姨   打姨姨

Sept 28: Cloudy and Rainy with Sadness

整日天氣沉沉，下著毛毛細雨，感覺不到一點秋意。不過，秋天卻會給人一種離愁別緒的那份傷感，酸溜溜的心情，令人提不起勁。

入到大學必做的「大學五件事」，原來要完成這張「To Do List」是那麼的困難，事件其實不是想像的完美。續上一篇日記提及到「上莊」，今天就知道「這件事」暫時無法完成，懸空著。死因是：大學兩年級。

其實，因為去了迎新營而去不到招莊會，已經就此埋下敗北伏線，雖然未至於一早成為完全的失敗者，但可能已經「敗」得七七八八。雖然如此，我也「叫做」完成這個過程，可能是有著一個太明顯的「失敗樣」，如何改變也做不到甚麼的東西，更有「打定輸數」的想法，這與宋文所說的「假定自己已經得到」的理論完全相反。

儘管如此，還是覺得心有不甘，但建基於集體決定下才沒有甚麼好說，直入第二年也可以一個原因（在此不評論其真確性）。那份傷感，酸溜溜的心情，就正正也是今日的天氣，失去了原動力。他們如何的「道歉」，對這個康復過程，完全沒有任何正面幫助，問題依舊。

要「上莊」參與學校活動，再一次，不是你的決定，而是一個集體決定，其中的環境與社會因素，你永遠都不能改寫的。

Sept 26: First month in HKU

由九龍塘的城市大學轉戰到西營盤的香港大學，生活模式完完全全的不同。之前，很多時候只是就著自己小組報告的題目而看文章就可以，除了是一些與考試相關就例外。現在，大部份的「政政」科的導修課都要就著「大會」指定文章之觀點作討論，可以「吹水」的，但是必須要看完文章方可以，所以每天在家中都要看文章...... 人家說大學生活是可以「休閒」的，哈哈哈！體會的卻是另一個世界。

不過，正正是升上大學，自己參加學校活動時，就已經沒有太多的顧慮了。兩年副學士的生活，當然參與學校活動，但多數是「一次性」居多。今天在港大就考慮過「上莊」（雖然是直入第二年，但還覺得可以在當中體會更多呢），參與不同的活動（現時有港大管弦樂團和大學團契），結識來自不同學系的朋友們。

整整一個月的生活中，時不時也會回想起過往在城大PAM的生活，老師們與學生的關係是多好呢，天天都走上六樓談天。現時上課的東西，看回很多之前學過的東西：Nature of Goods and Services、Rational Decision-making 等等，新舊東西的交會，就是很奇妙的。

九月，同時為中學校慶音樂會的最後一個月綵排時期，五年前的快樂回憶，今年的十月就會作一延續和更新。不知道我們又會有著那樣的回憶呢？

PS：很多時都因為懶惰的關係，很多時事新聞的短文都沒有寫，看來真的快快要重新執筆。